ជ្រោះប៊ូស្រា គឺជារមនីយដ្ឋានដ៏ល្បីល្បាញមួយប្រចាំខេត្តមណ្ឌលគិរី។ ប៊ូស្រា ស្ថិតនៅស្រុកពេជ្រដា មានចម្ងាយជាង ៣៣គីឡូម៉ែត្រពីរង្វង់មូលគោព្រៃ ទីរួមខេត្តមណ្ឌលគិរី។
ទឹកជ្រោះប៊ូស្រាដំណាក់ទី១ មានកម្ពស់ជាង ២០ម៉ែត្រ ជាទីដែលអ្នកទេសចរនិយមទៅទស្សនាច្រើនជាងគេ។ ចំណែកទឹកជ្រោះប៊ូស្រាដំណាក់ទី២ ជាទីដែលអ្នកទេសចរកម្របានឃើញ។
ដើម្បីទៅកាន់ទឹកជ្រោះដំណាក់ទី២ យើងត្រូវធ្វើដំណើរឆ្លងកាត់ព្រៃ ប្រមាណ ១៥នាទី រួចត្រូវសរសៀចុះតាមជញ្ជាំងថ្មីដ៏ចោត ដែលមានកម្ពស់ជាង ៤ម៉ែត្រ រួចបន្តដំណើរតាមជណ្ដើរឈើបែកបាក់ចុះមកក្រោម តាមផ្លូវឬស្សី។
បន្ថែមលើនេះ រមនីយដ្ឋានទឹកជ្រោះប៊ូស្រា ក៏មានខ្សែរ៉ត សម្រាប់ភ្ញៀវទេសចរជិះមើលទេសភាពដ៏ស្រស់ត្រកាលផងដែរ។
No comments:
Post a Comment